CHED aprubado na ang COPC para sa BSEMC Major in Digital Animation ng CatSU
SDG 4: Quality Education, SDG 8: Decent Work and Economic Growth, SDG 9: Industry, Innovation, and Infrastructure
August 14, 2025
Ibinahagi ni CatSU President Dr. Gemma G. Acedo ang magandang balita matapos matanggap ang opisyal na liham at sertipiko mula kay CHED Region V Director Demetrio P. Anduyan Jr. noong Agosto 12.
Matatandaang kabilang ang BSEMC Major in Digital Animation sa mga bagong programang isinumite ng CatSU noong 2023 sa pamumuno ng noo’y CatSU President at kasalukuyang Gobernador ng Catanduanes Dr. Patrick Alain T. Azanza, at ng noo’y Vice President for Academic Affairs na si Dr. Acedo.
Sa kasalukuyan, may kabuuang 105 estudyante na ang naka-enrol sa programa mula unang taon hanggang ikatlong taon. Ang disenyo ng kurikulum ay nakabatay sa CHED Memorandum Order (CMO) No. 02, s. 2014, na nakatutugon sa kasalukuyang pangangailangan ng bansa sa larangan ng Entertainment and Multimedia Computing.
Ayon kay Dean Dr. Maria Concepcion S. Vera, nakasaad sa inisumiteng panukala na ang mga magtatapos sa programa ay maaaring magkwalipika sa mga entry-level na posisyon gaya ng creative programmer, technical animator, creative content developer, ad builder, technical director para sa modelling/rigging/lighting, animation quality assurance specialist, technical director para sa game art, at marami pang iba.